السلام عليكم
يا ناس يا عالم أرجوكم ساعدوني
أنا مبتعث في بريطانيا وزوجتي معي ومن أمس زوجتي وجهها مقلوب علي وأنا أسألها وش فيك تقولي بس طفشانة شوي, المهم صدقتها اليوم وديتها المعهد طبعا قسم نساء ورجعت البيت إلا جاتني منها رساله تقولي فيها أنا ما أستاهلك انت طيب وابن حلال وانا ما أبغى أظلمك معي انت تستاهل كل حب وحنان وأنا كل الناس يقولون عني جافه ومستحيل أكون رومنسية ؟؟؟؟؟؟ أنا بكيت من القهر, أنا متزوجها من 10 شهور ويشهد الله علي اني ما قصرت معها في أي شيء لدرجة إني تحملت فوق استطاعتي عشان أسعدها. المهم يوم رجعتها البيت سألتها وش السافة قالت لي اني لازم اصارحك أنا ماني حقت زواج وما كنت اتوقع الزواج كذا وانا كنت احبك قبل لا تخطبني بس من يوم تملكتني وأنا ما أدري وش صار؟ قلت لها من الاخير انتي تحبيني ولا لأ . قالت أحبك بس مو كزوج قلت لها ليش قالت ما أدري؟ علما بأنها مقصره في حقي كثير من تزوجنا وأنا صابر على هذا الوضع كل يوم اقول بكره بتتغير. لكن أجد بأني أقترب منها وهي تبعد عني والله العظيم اني ما قصرت معها بشيء والله العظيم شنطتها قيمتها 2600 ريال وأهديت لها بعد شنطة ثانية ب 2400 ريال وأكرمها لدرجة اني أقصر مع نفسي وهي ولا حاسة وكل مره أقولها ترى انتي مقصره في حقي أنا أحتاج زوجة تدلعني وتدللني وتحبني وتقرب مني وهي تقول انا مو متعودة اصبر علي. وعلى هذا الحال وحتى من ناحية النظافة في جسمي أهتم ومن ناحية الجنس أقول باشباعها والله ما أدري وش أسوي والان بعد ما كلمت اهلها وقلت لهم عن الموضوع قاموا كلموها وانا تظاهرت بأني طلعت من البيت وقعدت اتسمع إلا وهي تقول لأمها خلاص ما أبغاه قالت امها ليش قالت أنا أكره الرجال وماني حقت زواج وأنا مستعدة ارجع عندكم خدامة ولا أظلمه معي هو ما يستاهل الظلم قالت هو مقصر في حقك قالت لها لا والله ما قصر في حقي بأي شيء بس ما عاد أبغى زواج خلاص.
يا ناس يا عالم وش رايكم أطلقها أرجو كل من يقرأ الكلام ان يفكر قبل ان يجيب وان لا يسخر لأني بأدعي عليه آخر الليل يكفيني اللي فيني انا الان مشغول برسالة الماجستير إلى راسي ومهموم من المشكله هذي اللي ما كانت على البال ولا على الخاطر وش أسوي
02-07-2010, 03:30 AM
زوجتي طالبة الطلاق
العرض العادي
