27-01-2010, 09:38 PM
|
#1
|
رقم العضوية
:
|
المشاركات
:
n/a
|
عدد الاعجابات التي تلقيتها
:
|
|
عاجل/ قصيدة فقيرة في زمن الطفرة

الصيف راح وزمهرير الشتـاء حـلّ=وانا فقيـرة حـال وَاهْلِـي فَقَـارَا
ياشاعري عن مَطْلَبِي لَلْبَشَـرْ قِـل=صيتـه تِبِيْ مِعْطَفْ هنـادي وِيَـارا
لو يوم واحد بَدْفِـنْ الفقـر وَافِـلّ=هذا الْحِجَاجْ اللـي كسـاه الغبـارا
وأدَوْس باقدامي على فَرْشَـة الـزّل=لو نصف يوم أهْجُرْ حيـاة الطُفَـارا
هذا الفقر مَـا كَـلّ مِنَـا وَلاَ مَـلّ=ولَـهْ سطـوةٍ جبّـارةٍ مَـا تُجَـارَا
بيِدْيه سَلّ الحـال ياشاعـري سَـلّ=ولبّـس عيونـي ليـل مالـه نهـارا
كم قِلْت لَهْ دِخِيْل رَبْ السماء حِـلّ=عنّاء وكـم صَيَّحْت فيهـا جِهَـارا
وكم قِلْت لَهْ فارق عَنْ ارْوَاحَنَا وَلّ=ويِقْبِـلْ عـدوٍّ مـن عـدوّه تثـارا
يا شاعري مِنْ تَلّـة اوْجَاعَنَـا طُـلّ=ومِدّ الْبَصَرْ دَاخِـلْ وِجِيْـه الْحيـارا
تلقى بِنَا أعمى وأطـرم وِمِنْشَـلّ=وتلقى الأسَى يَسْكِنْ عيون الصغـارا
و تِلْقَى هَيَاكِلْ نَاحِلَهْ مَا لَهَا ظِـلّ=عَنْهَا يطيـح مـن النحـول الأِزَارَا
تشرب قَهَرْ والقـوت بَحْلَوْقَهَـا ذِلّ=ورغم الفقر تلبـس عبـاة الوقـارا
ومع كُلْ طَلْعَةْ شَمْس تِنْدَاسْ تِنْـذَلّ=والدين وصّى لاَ ضَـرَرْ لاَ ضِـراراَ
مَامَرُّهُـمْ دِيْـم الْرَفَاهِيّـه ولا بَــلّ=ظُمَى الكبود إنْ كَانْ بَـلّ الصحـارا
حِنّا وَطَنْ والفقر غـازي ومُحْتَـلّ=والْعِرْض عن عيـن الرذيلـه تِـوَارَا
نَعْرِفْ طريق المال ونشـوف وَنْـدِلّ=بس الثمن خُـزْي وفضيحه وعـارا
ونَخَافْ ثوب الْطُهرْ في يـوم يُبْتَـلّ=الفقـر كافـر والمصايـب كبـارا
تِتِلّنِـا يُمْنـي الْفَقُـرْ للخطـا تَـلّ=بالنفس كسـر وبالعيـون انكسـارا
لو تصفع العابد يديـن الفقـر ضَـلّ=وصارت له قبـور الخطايـا مـزارا
ياشاعري سَوْلَفْت لك جُزْء مِنْ كُلّ=عن فَقُرْ عَذْرا كَمْ وَرَاهَـا عَـذَارا
وذولا يبيعـون المزايـيـن والْـبِـلّ=سَكْـرَةْ زَمَـنْ وِلاّ الأوادم سُكَـارا
ناَظِرْ عيونـي مَابَهَـا مَاطْـر هَـلّ=جفّـت سَحَايِبْهَـا بليـل السهـارا
وتبقى قضية فَقْرَنَـا مَـالَهَـا حَـلّ=يَا شَاعِري مَا تْـت قُلـوب الغيـارا
ورَاحَتْ وانَا اقْول الْفَقُرْ شَخْص مُنْحَلّ=أبغـى أَدَارِيْهَـا وهِـيْ مَـا تُـدَارَا
أخاف اصَرّح ثُمْ عَلى راسـي اتْهِـلّ=سُحْب المصائب من يميـن ويسـارا
بَسْكِتْ وَبَبْلَعْهَا مِثِـلْ كَاتِـمْ الْغِـلّ=وأقـول ياربـي تعيـن الفـقـارا
وسلام يا نَرْجِسْ وِكَادِي وِيَا فُـلّ=وسلام يَا كِذْبَـة غِنَـى وازْدِهَـارا
uh[gL rwd]m trdvm td .lk hg'tvm

|
|
|
|