خلي هجرني تكفى يا موت زرني وإن ما قدرت دلني مكانك وانا اجيك
ما بي حياتي دام خلي هجرني ما بي حياتي دامه يقول ما بيك
يدري بظلم الناس يدري وظلمني واكد كلام اللي يقولون ناسيك
لكن قبل لاتاخذ الروح مني باسأل حبيبي كم سؤال واخاويك
وشلون قلبك يا حبيبي تركني وتدري بخفوقي كم له سنين هاويك
وما تدري بعادك وصدك ذبحني وما تدري عن دمع نثرته وانا ارجيك
اسأل جميع الناس وش صار عني اسأل وش اللي صار في حال مغليك
لو علموك وش كثر همي وحزني من يوم حبي انتهى وصار ماضيك
لو علموك عن قلبي اللي يوني مطعون يصرخ يشتكيلك يناديك
لو عاش عاقل عيشتي كان جني حال لو تشوفه بعيونك يبكيك
صار الحزن هو لعبتي صار فني ابكي ندم والله الى حال طاريك
ضيقت صدر ويا الهموم اسكنتني احكي واكمل ولا ماقلت يكفيك
اللي سمعته بسبتك انت جتني عطيتني كرهك وانا الحب معطيك
ضاعت سنيني وانا بالحب ابني قصور وانهدت سبب فعلت ايديك
جاك الوفا والحب والعشق مني حتى الوله والشوق والصدق معطيك
قلبي وفالك وانت قلبك خدعني خدعت قلب كان بالحب شاريك
بكذب وخيانه وغدر قلبك حضني في وقت قلبي يسهر يداريك
ما كنت أظن قصدك بحبك تذلني ذليتني من بعد ما مت أنا فيك
هذي حقيقة بعض ما منك جتني وبعض اللذي اسقيتني انت بايديك
ما كنت ساكت خايف بس لاني ميت بحبك ما أقدر ازعلك واشقيك
حرمت أقولك من محبتك عطني ما دام غيري في محبته مرضيك
ببعد بعيد واوعدك ما احني ابشر اببعد ومع حبيبك بخليك
خلصت هرجي الحين يا موت خذني تاركلك الدنيا بها الله يهنيك
واذا سأل في يوم أنا انسان عني قله توفى والسبب طعن بيديك
اتمنى تعجبكم
الحب شايب والفراق ابنـه العـاق
والوصل غايه والقصايـد وسيلـه
اثر المفارق له علاقـه بالاخـلاق
ويقصر طويلة صدر راعي الطويله
مافيه اشرّ من الهواوي اذا ضـاق
من ضيقته حتى البزر يشتكي لـه
ياللي غضبت وكانت حلولك فـراق
الغيـض ولعـه والمجـادل فتيلـه
ابليـس للفتنـه وللشـر سـبّـاق
يجيك في صورة رذيـل ورذيلـه
31-01-2011, 02:30 AM
.gif){kind=icon}
حــال المفارق
العرض العادي
