شبكة حبي لك المنتدى

للتسجيل اضغط هـنـا

اضغط هنا لمشاهدة آخر المشاركات بالمنتدى


التغريدات والاهداءات

قديم 30-01-2011, 10:30 PM   #1

 رقم العضوية : 40734
 تاريخ التسجيل : 25 - 2 - 2010
 الحالة الاجتماعية : متزوجة
 الجنس : أنثى
 الدولة : دوله اخرى
 المشاركات : 7,655
عدد الاعجابات التي تلقيتها : 1
 عدد النقاط : 2756
 تقييم المستوى : Rss has a reputation beyond reputeRss has a reputation beyond reputeRss has a reputation beyond reputeRss has a reputation beyond reputeRss has a reputation beyond reputeRss has a reputation beyond reputeRss has a reputation beyond reputeRss has a reputation beyond reputeRss has a reputation beyond reputeRss has a reputation beyond reputeRss has a reputation beyond repute

Rss غير متواجد حالياً

Icon122 قصة واقعية راااااااااائعة ستغير نظرتكم للزواج


قصة واقعية رااااااائعة لشخص أعرفه جيدا وستغير نظرتكم للحياة الزوجية والقصة هو كتبها بأيده وطلب مني أحطها بالمنتدى وعسى تفيد الشباب والشابات أترككم معها...



السلام عليكم...

انا متزوج من 4 سنوات وعندي طفل صغير وزوجتي تزوجتها وما كنت أحبها قبل الزواج وأحسها أنسانة عادية وأنها هي اللي محظوظة انها تزوجت أنسان ناجح و جامعي ووظيفته محترمة وراتبة عالي وكثير من عايلتي كان يريدوني لبناتهم بس أنا سبحان الله كنت أريد وحدة من برا العايلة وكنت أحبها مووووت وللأسف (ولا خليني أقول الله أنعم علي) وما أخذتها , وأخذت زوجتي عشان أنسى اللي كنت أحبها.

المهم بداية الملكة (قبل العرس) كانت (زي ما أنا فاكرها) باردة ولا عواطف ولا رومانسية...أتصل ما أتصل ما كثير هي تهتم..أرسلها رسايل غزل وحب ما ترد علي...ولما ترد أقصى حدها تقول شكرا...مع اني كنت بسبب العمل دايما مسافر وأحيانا أظل شهرين ما أرجع بس ما كنت أقطع رسايلي واتصالاتي .. بس هي ولا تشتاق لي ولا ترسل لي أشتقت لك حبيبي ولا شي!! وحتى لما انا أقولها تسكت أو احيانا ترد علي وانا بعد...وكنت أسألها انت ما تشتاقيلي؟؟ ما تحبيني؟ تقول ما أعرف...يمكن... أحس اني مرتاحة معاك!!! وكان هذا الشي ينرفزني ويخليني أطفش وأحيانا أحس بالندم أني تزوجتها بس للأسف الملكة خلاص وطاح الفاس بالراس وموعد العرس قرب وما أقدر ألغي كل شي

المهم وبدينا نرتب للعرس وكنا في هذه الأوقات نطلع مع بعض (لأننا خلاص مملكين بس لسا ما عرسنا يعني ما سكننا ببيت واحد) وكانت تمشي وتخلي بيننا مسافة وما تحب اني أمسك أيدها ولما أسألها ليش تقول بس أحس ما مرتاحة, أقولها طيب أنا مشتاقلك وأنتي حلالي , هي ترد عارفة بس مسكة الأيد أحسها مال أفلام!!!! وأنا كان يفور دمي بس لأنها من أهلي كنت أصبر وأقول عسى تتغير بعد الزواج..

وكم مرة تحصل بيننا خلافات تخيلو في فترة الملكة وأزعل عليها بخصوص انها ما عندها رومانسية ولا أحاسيس .. بس بدون فايدة!! العزاء الوحيد انها كانت بسرعة تعتذر وتترجاني وانها تحبني ( وأنا في قلبي أقول غصبا عنك لأنك ما تريدي تخسري شخص مثلي!!) بس يوم ولا يومين ونرجع على نفس الموال!!!

ووصل اليوم المشهود وصار العرس وكل حد أحتفل فينا والحمدلله مر كل شي على أروع ما يكون, ووصلت ليلة الدخلة وما صار شي لأني كنت عارف انها خااااايفة ومتوترة كثييييييييييير فقلت لها يا حبيبتي ماراح يحصل شي لحد ما تكوني جاهزة لا تخافي...وظلينا فترة بصراحه لحد ما .................. وكنا لازلنا على نفس المشكلة وهي عدم الرومانسية ولا فيه كلام حلو!!! المهم بعد ما رجعنا من شهر العسل أنقلبت حياتي 180 درجة.....

بعد ما سكننا في بيت واحد بديت أحس أني أنا اللي صرت محظوظ بهذه البنت (الله يحفظها لي), البيت دايما يلمع مع انها موظفة...ملابسي دايما جاهزة مرتبة ومبخرة.. دايما تسألني شو تريد تاكل شو تريد تتعشى شو على بالك...أول ما أسرح ببالي تقول في شو تفكر؟ (ملقوفة فديتها)...وصلت اني أكتشفت أنها جالها ألتهاب في المهبل بسبب انها قلة الأفرازات وقت الجماع وهي ولا تشتكي وحتى لما أسألها حسيتك مو مرتاحة تقول لا عادي أهم شي انت استمتعت؟؟؟؟
ماتحب تزعجني بأي شي , حتى طلعت السوق للأعياد وكذا تقول لي أنا بروح مع أهلي عشان ما أتعبك!!!
وأنا كنت سابقا من النوع اللي يحب طلعات الشباب فكنت أتأخر عليها كثييييييييير وهي وحدها بالبيت وكانت بعض الأحيان تزعل وتعصب وأنا بعض الأحيان أراضيها وبعض الأحيان أخليها بالطقاق وأنام!!!
وهي ما شاء الله عليها من النوع المتدين يعني دايما تحط في بالها انها ما تعصي الله وكم مرة تردد ماريدك تنام وانت زعلان مني عشان ما تلعنني الملائكة!! وكانت دايما تضغط علي وتصحيني لصلاة الفجر عشان أروح المسجد (أنا أصلي والحمدلله بس صلاة الفجر كنت مقصر وأصليها بالبيت) يعني الحمدلله الله هداني عن طريقها وأسلوبها الطيب مع اني كنت بعض الأحيان أتنازع معها وأنا عارف انه انا الغلطان بخصوص الصلاة وكذا...
دايما تذكرني بزيارة أهلي وحتى لو أنا أهمل تحن علي مع انها مالها خص أزورهم ولا ما أزورهم!! وحتى في الأوقات اللي كنت تحصل لي أزمات مالية كانت تعطيني بلا حدود وأنا أقول لها برجع لك والى اليوم مارجعت لها المبلغ الا نص المبلغ وهي ما تشتكي..

وبديت أحس بالنعمة لما أسمع مشاكل الشباب اللي معي وأقرأ ال*******..حسيت أني محظوظ جدا وصرت أدقق بكل شي تسويه ولاحظت انها بكل شي دايما تحاول ترضيني حتى بالأشياء الحميمه تحاول تخليني أهم شي أستمتع (طبعا بدون معصية ولا شذوذ)..

حبيت فيها أني من أول أولوياتها .. أنها تحاول تطيع الله في تعاملها معي... دايما تحاول تخليني راضي عنها...تعطيني بدون مقابل وبدون حدود.. ولما أنا بديت أحبها ظهر هذا الحب في تصرفاتي معاها وتقديري لها وأحترامي لها.. حسيت أني أنا أكثر أنسان محظوظ في الدنيا ان الله رزقني مثل هذه الزوجة ودايما أدعي ان الله يحفظها ويجمعنا في الجنة.. ولما بدا حبي يظهر في تصرفاتي معاها بدأت الرومانسية الحقيقية بيننا , صارت كلمة أحبك وحبيبي لها معنى خاص , صار الشوق بيننا له معنى ما توصفه الكلمات , لما أسافر للعمل ولا غيره أحس أني ما مرتاح لحد ما أرجع وأشوف الوجه البشوش.. صارت عندي بالدنيا كلها.....


خلاصة هذه القصة حبيت ألخص فيه نقاط:

يا شباب:
لما تختارو للزواج أختارو صاحبة الدين وما يمنع تكون جميلة بس الدين هو أول مقياس عشان تخاف الله فيك..
لما تكون زوجتك بعد الملكة مو رومانسية ولا تفهم بالكلام الحلو لا تيأس وتقول أنا غلطت بالأختيار , أصبر وعطها فرصة ولا تحكم عليها من البداية..
بداية الزواج مهمة جدا لازم الرجال يكون صبور وعاقل وحكيم عشان ما يتخذ قرارات تظل تأثيرها على الزواج فترة طويلة...
كل واحد لازم يدقق في أفعال زوجته وصدقني بيعرف يحبها لما يعرف شو هي تسوي عشانه..
أذا ظهر الحب في تصرفاتك مع زوجتك (أقصد حب حقيقي) راح تلقائيا ينطلق لسانها وتكون لك كل شي...

يا بنات:
عشان ما تحسو بالتعب ولا الزهق ولا اليأس في الزواج حطو في بالكم أنكم ترضو أزواجكم طاعة لله أولا وصدقوني راح تتغير نظرتكم للأمور...
النصيحة الطيبة اللي تغلفها المحبة صدقوني مفعولها زي السحر بس الصبر مطلوب والدعاء..
الأهتمام بالزوج مطلوب جدددددداااااا ولو هو مالاحظ الحين بيلاحظ بعدين مهما طال الزمن وعندها ماراح ينسالك هالشي..


,اتمنى ما أكون طولت عليكم بس هذا للأفادة وعسى الله يجعل اللي فيه الخير...


rwm ,hrudm vhhhhhhhhhhzum sjydv k/vj;l gg.,h[







من مواضيعي
0 ما هو الحل في رايكم
0 لاحصلة لي لارمله ولاحصلة مطلقه
0 اراء المجربين في المسيار
0 لاحصلة لي لارمله ولاحصلة مطلقه
0 حركة الجنين داخل الرحم ... متى تبدأ ؟؟ ... وكيف تكون ؟؟
0 9 أسباب تجعل المرأة سعيدة أثناء الحمل .. ما هي؟
0 بخصوص الحمل اللي عندها خبره تفيدني
0 مرحباً الي عندها خبره بحساب الحمل تحسب لي؟؟؟
0 رسالة إلى المتأخرة بالزواج و الأرملة و المطلقة
0 الولاده بدون الم اسرع طريق للشلل
0 العلاقه الحميمه اثناء الحمل
0 الاكتاب ما بعد الحمل
0 ايتها الحامل ..... امور تقلقك
0 اسباب الخطا في السونار ......... اتفظلوا علشان تعرفوا السبب
0 وأولى درجات الحب تبدأ مع الجنين وهو لازال في رحم أمه،
0 لماذا المتزوجات يتلذذن بتجرحنا
0 يسأل هل اتزوج من مطلقة ( وهذا جوابك عليك
0 واخيرا شافت ؛؛زهر البيسان؛؛اغراضها،،لكن !!؟
0 ليه الغياب ..!
0 قلبى وحيدا
0 نظام غذائي صحي للمحافظة على الرضاعة الطبيعية
0 الحمد لله ولدت و جبت احلى ياسين باركولي.....
0 قلبى وحيدا
0 مأكولات خطيرة على المرأه الحامل ان تحذرها
0 ( تعليم الصغاراحترام الذات )


 
رد مع اقتباس مشاركة محذوفة
إضافة رد

مواقع النشر (المفضلة)

مواضيع مشابهه في منوعات و صور عامة



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



شرح طلب كلمة المرور من هنا


الساعة الآن 09:16 PM.